StelpaLitla

Flúðaflipp 2005
Þá er glæsileg verslunarmannahelgi búin. Þvílíkt stuð! Eftir mikinn rúnt í bænum á föstudagskvöldinu komumst við loksins af stað nokkrum klukkutímum á eftir áætlun (er það ekki alltaf svoleiðis?). Í Úthlíð komumst við að því að tjaldsvæðinu var í raun splittað í tvennt. Öðru meginn við veginn voru unglingarnir (15 - 18 ára), hinum megin var felli-/tjald-/hjólhýsa fjölskyldustemningin allsráðandi. Eftir örlitlar vangaveltur ákváðum við nú samt að unglingastemningin væri meira fyrir okkur og tjölduðum því hjá trylltum lýðnum. Þar var meðal annars gaur með gítar sem söng alveg hriiikalega falskt (hvernig er hægt að vera klár á gítar en vera algjörlega tóndaufur??) og ung stúlka sem átti afmæli og klæddist stuttu pilsi og gallajakka með bert á milli (og að sjálfsögðu ekki í sokkabuxum). Við hálfflúðum unglingasvæðið og fórum og kíktum á restina.

Scene 1
Hittum konu sem var með um 4 ára barn í eftirdragi og fór að spjalla við okkur, frekar þvoglumælt. "Ég veith hhreinlega ekkih hhvaða barn þhetta erhh. Hann erh alltaf að labbah á ehftir á méhr og khhallar mig ömmu. Égh shhkil ekkert í þessu." Jeminn eini hugsum við, kannastu ekkert við þetta barn?? Við lítum í kringum okkur og gerum okkur klár í að fara að leita að foreldrum barnsins. Þá segir strákurinn:"ÆI, Amma koddu". Og konan heldur áfram leið sína með barnið í eftirdragi. Lovely.

Scene 2
Gaur á aldrinum 16 - 18 ára, stór og mikill. Hann er með grysju yfir sár á annarriaugabrúninni/enninu, brunasár á höndunum og fleiri smáskrámur. Við spjöllum og spyrjumhvort mikið hafi gengið á hjá honum greyinu. "Já sko, þetta fékk ég áfimmtudaginn", segir hann og bendir á grysjuna á enninu, "...og þetta fékk ég áðan." Já OK, ég skil.

Scene 3
Seinna um kvöldið er það gaur sem missir sig og hleypur berserksgang. Stelpa hleypur grátandi á eftir honum.
Stelpa:"Talaðu við mig", grenj grenj, "Talaðu við mig"
Strákur: "Þetta bara gengur ekki lengur, ég er alltaf að slást út af þér".

Við ákváðum að láta unglingana ekki á okkur fá og fórum staðinn að fíflast í fótbolta og glímu. Fótboltinn varð þó síðar einhver blanda af rugby og fótbolta, enda skiptingin ekki alveg jöfn í strákar á móti stelpum. Ég er ekki frá því að stelpurnar unnu samt?? Þegar fjör okkar náði hámarki í fótbolta, glímu og graskasti kom að okkur hópur af fólki á okkar eigin aldri (semsagt ungt og hresst fólk) og bauð okkur að skunda með þeim í sumarbústað sem þau voru með á svæðinu. Við þáðum það með þökkum og það reddaði kvöldinu algjörlega! Ég held þó að við höfum algjörlega farið með fólkið þegar við byrjuðum að raula ættjarðarsöngva í kórútsetningu...hmmm...en þó ekki það mikið að einn meðlimur úr hópnum okkar fékk að vera eftir og fara í heita pottinn þegar við hin ákváðum að fara aftur niður í tjald...

Scene 4
Klukken er 10 að laugardagsmorgni. Maður hleypur berserksgangog öskrar og æpir. Annar reynir að róa han niður og enn aðrir spjalla um aðstæðurnar."Þetta gengur ekki, maðurinn má ekki fara út úr húsi án þess að vera laminn...".

Eftir hamfarirnar í Úthlíð var ákveðið að pakka saman dótinu og bruna á Flúðir. Auðvitað voru samt gerð góð stopp í sundi og á hamborgarabúllu á leiðinni þangað. Komum síðan við í sjoppu/bensínstöð/búð (elsku besta landsbyggðin okkar) á leiðinni og keyptum þar dýrasta kryddbrauðið á landinu ásamt kryddköku (maður verður að styrkja húsmæðurnar í sveitinni), mjólk, smjöri, hraunbitum og fleiri skrýtnum og rándýrum hlutum. Það var nú samt ágætt að sleppa bara grilli og fá sér kryddbrauð og hvítvín í staðinn! Jæja, á Flúðum áttum við "stefnumót" við vini vina og áttum við að leita að stórum rauðum Econoliner. Hann fannstfyrir algjöra tilviljun og við tjölduðum þar, þau grunlaus að við myndum síðar umkvöldið yfirtaka partýið þeirra með látum enda vissu þau ekki að við værum í raun komintil að hitta þau!Múahahah. Jæja, kvöldið fór vel af stað með brekkusöng og gleði og sú gleði hélt áfram langt fram á nótt með öllu tilheyrandi, tekið í vörina, spilað á gítarog sungið, ættjarðarlög tekin í kórútsetningu fyrir 5, höstlað, pulsur grillaðar, talað við skrýtið og skemmtilegt fólk, pissað úti í runna og rekin burt af einkaeign fyrir það... Alltaf gaman þar sem við förum um!

Frasar helgarinnar
1. Það er ekki sama hvort sé PEPSI Max eða Pepsi MAX
2. Í Guðanna bænum hvar ertu? Guðanna. Hvar?
3. Halla, ertu alveg sturluð?
4. STEINÞEGIÐU!!

Einkahúmor helgarinnar
Reminder settur á síma Höllu fyrir næstu verslunarmannahelg, settur á föstudaginn 4. ágúst 2006:
"Ýrr höstla (verður að heita Beggi). Sigga undirbúa morgundaginn. Halla í fríi.
Muna að taka humarinn út úr frystinum".

Frábær helgi í alla staði. Vil glöð endurtaka leikinn sem fyrst!

StelpaLitla// Ýrr @ 16:49

föstudagur, ágúst 5

fimmtudagur, ágúst 4

miðvikudagur, ágúst 3

þriðjudagur, ágúst 2