StelpaLitla

Verslunarmannahelgin (þó fyrr hefði verið)
Búin að vera svo upptekin af því að vera fræg að ég hef ekki haft tíma til að blogga! Nei nei. Annars er ég búin að vera í meiri tannaðgerðum og er búin að vera meira og minna sofandi og uppdópuð alla helgina. Og já, þið megið vorkenna mér núna. Ég er semsagt bólgin og skrýtin og vill kalla mig eftir "Who-fólkinu" í The Grinch. Nýja nafnið mitt er því núna: Ýrr Boo-Who

Föstudagur
Hef fengið margar fyrirspurnir um fregnir af verslunarmannahelginni. Hún var í einu orði sagt frábær!! Alltaf gaman að vita ekkert hvað maður ætlar að gera og svo rætist bara svona skemmtilega úr öllu! Við lögðum af stað úr bænum fjórar gallvaskar gellur, ég, Halla, Auður og Tinna. Skunduðum í sumarbústaðinn hennar Sinnu og Dodda þar sem Árný og Raggi voru líka. Áttum þar góða kvöldstund yfir mat og drykk og... Vorum líka í beintengingu við Siggu og fleiri sem voru stödd í hörku partýi í Þrastarlundi svo þegar fór að líða á kvöldið fengum við okkur kvöldgöngu þangað. Allir nema Raggi reyndar sem ákvað að vera frekar í bústaðnum (ehemm) Komumst reyndar að því að við vorum þó nokkrir aðskotahlutir þar, en létum það ekki á okkur fá. Sinna, Doddi og Árný skunduðu svo til baka í bústaðinn á undan okkur hinum fjórum singletons (aka Bridget) og treystu því að við myndum rata til baka. Sem og við gerðum, eftir þó nokkuð laaaangan göngutúr, vaðandi í villu, svima og áfengi. Okkur datt meir að segja í hug á tímabili og hringja til að láta sækja okkur en vissum ekki alveg hvað við áttum að segja: "Já, við erum staddar ég í Þrastarskógi, það er fullt af sumarbústöðum, gróðri, og rauðir malarvegir... getiði komið og sótt okkur???" Við sáum fljótt að það yrði hægar sagt en gert að finna okkur, þar sem þetta á beisikallí við allan Þrastarskóg! En við fundum leið okkar heim að lokum, Auður fór beint í rúmið en við hinar þrjár kláruðum túnfisksalatið sem átti að vera í morgunmat, með tilheyrandi flissi ekki öllum til ánægju (pirr pirr) og ekki var Auður heldur ánægð þegar hún ætlaði að fá sér túnfisksamloku morguninn eftir... moahahahah.

Laugardagur
...rann upp með sól í heiði, en nú voru góð ráð dýr. Það var búið að bjóða fleira fólki í bústaðinn og við fjórar "single and goood looking" sáum ekki að yrði pláss fyrir okkur í bústaðnum fyrir pörum í paraleik. Við vorum hálf umkomulausar til að byrja með og vissum ekki hvað áttum að gera eða fara, Halla var með ofnæmi og var ekki viss um að meika heila nótt í tjaldi og við hinar vorum litlu skárri með plön. En Sveinborg kom sá og sigraði. Hún sigaði okkur á Flúðir, sagði að þar væri stuð og stemning svo við ákváðum eftir stutt Sólheimastopp að skella okkur á Flúðir. Og sáum ekki eftir því. Sigga litla klifurmús skelltist með í för þar sem Þrastarlundsliðið stakk af heim. Ég verð að gefa Höllu 10 stuðprik fyrir að vera ótrúlega klár raðari! Nú vorum við 5 sætar stelpur + farangur í litlum fólksbíl og fór alls ekki illa um okkur! Reyndar hafði Sigga ákveðið að vera útilegugella dauðans og hafa engan farangur með sér til að taka ekki pláss í bílnum, svo hún var hvorki með svefnpoka né dýnu heldur einungis þunnt rúmteppi og áfengi. En ég meina, hvað þarf maður meira í útilegu svosem? En í stuttu máli sagt var alveg frábært á Flúðum, gott veður, gott fólk, gítarstemning og stuð langt fram eftir morgni. Aulahúmorinn átti þátt sinn í að gera helgina eftirminnilega, en við fáum allar sætu stelpurnar 20 stuðprik fyrir aulahúmor dauðans! Jei jei.

Og þannig var nú það. Stuð helgi sem ég væri alveg til í að endurtaka! En nú tekur alvaran við. Nýnemanámskeið að byrja á morgun í skólanum, og ég ennþá bólgin og skrýtin eftir tannaðgerð dauðans. Svo verð ég líka að reyna að gerast alvarleg og pólitísk og taka skrif mín á Sellunni alvarlega... já já. Sjáum nú til með það.

StelpaLitla// Ýrr @ 20:59

Lítill leikþáttur frá Flúðum
Auður: Ok stelpur, ef við værum eitthvað dýr, hvaða dýr myndum við vera? Ég vil vera köttur.
Allar: Neeeiii! Þú ert sko enginn köttur.
Ýrr: Þú ert páfagaukur!
Allar: jaaaaá!
Auður: isss nei. ..jæja þá. Stór og skrautlegur sem kann að tala.
Sigga: Tillaga nr. 1: Við löbbum inn á Flúðir, kaupum okkur ís, löbbum með hann til baka á tjaldstæðið og borðum ísinn þar.
Ýrr: Stop stop stop! (beinir fjarstýringu í allar áttir) Þetta nær ekki nokkurri átt. Ekki góð tillaga.
Halla: HONK!!
Tinna: Sko, regla númer eitt. Maður á ekki að senda sms, þó maður fái símtal um miðja nótt.
Auður: Ég er sko ekki dramatísk, svo ég sendi ekkert sms!
Sigga: (búin að vera að leggja til hinar ýmsu tillögur). Tillaga 9. Við förum í sund og kaupum svo ís og fáum okkur í vörina eftir að hafa gengið frá tjaldstæðinu...
Halla: HONK!

StelpaLitla// Ýrr @ 20:58

miðvikudagur, ágúst 13

sunnudagur, ágúst 10