StelpaLitla

Óstundvís, alveg eins og strætó
Fjárfesti í Græna kortinu í morgun. Jáh, maður sér sko ekki eftir þeim 4500 kallinum!! Hahahah. O jæja. Ég er nú jákvæðari gagnvart verðinu hjá Strætó eftir að ég sá að það er ekkert mikið ódýrara að ferðast með strætó í Köben. En munurinn er samt sá að þar fara helstur leiðir á 10 mín fresti eða svo.

Eitthvað fer nú strætó hérna mis á tímatöflurnar sínar. Fór út í morgun eins og vanalega til að taka strætóinn minn sem fer 28 min yfir. Ekki kom strætóinn minn.....fyrst kom 4 sem á að vera 27 mín yfir, svo kom 3 sem á að vera 23 mín yfir. Ég skildi ekkert í þessu og leit á klukkuna. Þá var klukkan mín 34 mín yfir. Djö maður, hlýt að hafa misst af strætó. Best að labba bara niður á Lækjartorg og kaupa Græna kortið þá. Á leiðinni á Lækjartorg mætti ég strætónum mínum brunandi niður Hverfisgötuna......
Kannski voru bara æðri máttarvöld að hönd þarna. Vildu að ég keypti Græna kortið í stað þess að standa í þessari strætómiðavitleysu.

Goddemit!

StelpaLitla// Ýrr @ 15:03

Jæja, get svossum alveg sagt ykkur hvað ég var að gera skemmtilegt um helgina. Nenni bara alls ekki að læra nebbla. En verð að klára eitt stykki verkefni í kvöld, svo ég geti byrjað á því næsta á morgun! Og hvað gerir maður þá? Jú, fer að hugsa um eitthvað annað...

Stand-by, my ass!
Það var auðvitað troðfull vélin af íslendingum út á fimmtudag. Ég rétt komst með í vélina (var bókuð á "stand-by") og var því mjög fegin!!! Það var tekið afskaplega vel á móti mér á flugvellinum, frú Mína mætti mér brosandi með útbreiddan faðm. Jeij. Fimmtudagskvöldið var nú bara rólegt, nokkrir bjórar og kebab-pizza var það eina sem fór í mallan það kvöldið. ...afhverju eru ekki Kebab-pizzur á íslandi?? Hmm....

Polska wzrost naukowcy wyja?niaj?
Á föstudag fórum við allar saman út að borða. Dinnerinn var eiginlega tileinkaður Margréti afmælisbarni. Maturinn var alveg HREKALEGA góður og þjónustustúlkunni var mikið í mun að við skemmtum okkur vel. Vorum að sjálfsögðu síðustu kúnnarnir til að drösla okkur út af staðnum, en það var eftir að þau voru búin að spila eitthvað viðbjóðslegt pólskt ástarlag svona 10 sinnum í röð (án gríns) sem við fengum nóg og skunduðum á brott. Eitthvað var nú samt í matnum (eða rauðvíninu?) sem fór illa í stúlkuna og þurfti ég að fara snemma heim vegna magakrampa það kvöldið. Ussss. Stelpan ekki að standa sig í þessu!!! Og nei, ég veit hvað þið hugsið en ég var ekki of full, mér var í alvörunni illt í maganum.

Helvítis íslendingar alltaf út um allt
Nú, þetta nottla gekk ekki til lengdar þessi rólegheit - laugardagurinn skyldi tekinn með trompi. Eftir smá verslunarferð um daginn fórum við í dinner og partý til Margrétar. Svaðalega góður matur og drykkirnir að sjálfsögðu ekki síðri. Eins og sannir íslendingar vorum við lengi í partý og fórum ekki út úr húsi fyrr en um hálf 3 leytið...að mig minnir..hmmm.... Leiðin lá þá á Ströndina, en við höfðum heyrt af litlum skemmtistað með sand á gólfinu og kokteilum á barnum. Þar vorum við svo auðvitað í góðu geimi þar til okkur var hent út um hálf fimm leytið. Að sjálfsögðu höfðum við hitt fleiri íslendinga á strandbarnum, það er alltaf einhver, sem þekkir einhvern sem þekkir einhvern...helvítis íslendingar alltaf út um allt! Jæja, skötuhjúin voru þá öll farin heim (en stúlkuspjáturnar þurftu allar að draga mennina sína heim...þeir fengu sér víst eitthvað staup heima og svo beint á barinn í viskí....) en við hinar lausu og liðugu vorum ekki alveg tilbúnar í að slútta þessu! Fórum því á annan barinn af tvem þar sem var opið svona seint, og völdum auðvitað þann sem var meira sjabbí en með ódýrari bjór - hvað annað! Þar sátum við svo að sumbli langt fram eftir morgni, í miklum rökræðum (sumir meira en aðrir) við mann og annan þar til við loks dröttuðumst heim snemma um morguninn.

Ristaðar brunabollurústir
Svona að gamni, til að slútta kvöldinu...eða morgninum, eftir því hvernig litið er á málin, ákváðum við Auður að reyna að kveikja í íbúð Láru og Óla. Bara svona af því að þau voru svo góð að leyfa okkur að gista hjá þeim. Okkur fannst mjög sniðug hugmynd að fá okkur ristaðar bollur og settum því eina svoleiðis í ristavélina. Fórum svo í sakleysi okkar að bursta tennurnar og þrífa okkur í framan.....en hrukkum svo upp við að hjélvítis brunavörnin fór að pípa (þið vitið öll hverngi það er, PÍP PÍP PÍP PÍP PÍP PÍP PÍP PÍP PÍP). Hvernig áttum við að vita að maður þarf að ýta brauðinu sjálfur upp???? Isssss. En það fór nú allt vel samt, hehe. Ekkert sem eyðilagðist í það skiptið. Og þá vitum við líka að brunavörnin virkar ;)

Jæja, þá er þessu langlokusaga búin :) Njótið vel.

StelpaLitla// Ýrr @ 19:10

fimmtudagur, október 28

miðvikudagur, október 27